Реконструкцире çĕнелнĕ «Химик» стадионта май уйăхĕн 2-мĕшĕнче пĕрремĕш хут Раççей шайĕнчи футбол матчĕ иртрĕ. Ку сезонра Вăрнар футболĕ çĕнĕ шая хăпарчĕ: «Химик-Август» команда Раççей первенствин III лигинче вылять, регионсем хушшинчи «Приволжье» футбол Союзĕн Кубокĕшĕн тупăшать.
Турнирăн пĕрремĕш матчĕнче «Химик-Август» командăпа Пензăри «Зенит» тĕл пулчĕç. Шута пĕрремĕш тайм вĕçĕнче пензенецсем уçрĕç. Анчах та иккĕмĕш таймра «Химик-Август» футболисчĕсем пуçтаруллăрах вылярĕç, виçĕ гол тапса кĕртрĕç. Трибунăри тулли халăх та футболистсене хавхалантарчĕ.
Хăнасем иккĕмĕш тайм вĕçĕнче шута танлаштарма хăтланчĕç, пенальтие ăнăçлă пурнăçларĕç. Çапла, тĕлпулу «Химик-Август» майлă 3:2 шутпа вĕçленчĕ.
Людмила ИВАНОВА.
