Хапăсри Владимир Канькинпа Юрий Григорьев ачаран туслă ÿснĕ. Пĕр класра ăмăртмалла вĕреннĕ. Спортра пысăк результатсемпе савăнтарнă.
Шкул хыççăн иккĕшĕ те çар профессине суйласа илнĕ, иккĕшĕ те Мускавра вĕренеççĕ: Владимир Раççей Оборона министерствин Çар университетĕнче, Юрий – Аслă команднăй училищĕре.
Курсантсем пĕлтĕр иккĕшĕ те Мускаври Аслă Çĕнтерÿ уявĕн çар парадĕнче утнă. Кăçал та унта хутшăнма тивĕçнĕ. Каччăсем ĕнерччен тăтăш репетицисенче пиçĕхнĕ.
Светлана ЧИКМЯКОВА.
