Районта çурхи уй-хир ĕçĕсем анлă сарăлчĕç. Çанталăк лайăх тăни ĕç кăтартăвне куллен лайăхлатма май парать.

Ĕнерхи кун тĕлне пĕрчĕллĕ тата пăрçа йышши культурăсене «Мураты» хуçалăхра 250 гектар (63 процент), Карл Маркс ячĕллĕ хуçалăхра 315 гектар (54 процент), «Янгорчинăра» 206 гектар (54 процент), «Хорнзорта» 150 гектар (60 процент), «Знамя» хуçалăхра 230 гектар (66 процент) акнă. Вăрнарти аш-какай комбинатĕнче те ĕçсем кал-кал пыраççĕ. Кунта тĕштырă культурисемпе пĕрлех кукуруза та акаççĕ.

Çурхи ака ĕçĕсем малалла пыраççĕ. Хуçалăхсем мĕн акма палăртни пурнăçланасси иккĕлентермест.