Чăваш ен прокуратурин пресс-служби РФ Тĕп прокуратури «Коррупцие хирĕç пĕрле» ятпа социаллă рекламăн Пĕтĕм тĕнчери çамрăксен конкурсне ирттерессине пĕлтерет. Унта 14–35 çулти ачасем хутшăнма пултараççĕ, ĕçсене плакат е видеоролик евĕр хатĕрлемелле.

Çĕнтерÿçĕ ятне тивĕçме Раççейри кăна мар, Армени, Беларусь, Казахстан, Кăркăсстан, Таджикистан çамрăкĕсем те тупăшĕç. Ку çĕршывсем пурте – Патшалăхсем хушшинчи коррупцие хирĕç кĕрешессипе тимлекен Канаша кĕреççĕ.

Конкурс правилисемпе РФ Тĕп прокуратурин сайтĕнче паллашма пулать. Заявкăсене июлĕн 2-мĕшĕнчен октябрĕн 19-мĕшĕччен www.anticorruption.life официаллă сайтра йышăнаççĕ.

Çĕнтерÿçĕсемпе призерсене дипломсем, хаклă парнесем кĕтеççĕ.

И.ЯКОВЛЕВА.