Акă, Çĕнĕ çул тата Раштав уявĕсем те çывхарчĕç.

Хăшпĕрисем праçникченех ĕçкĕ-çике путаççĕ. Уявсенче вара сĕтел çинче хаярри пушшех те татăлма пĕлмест. Виçене те пăхăнмаççĕ. Суррогатлă эрех-сăрана та тиркемеççĕ. Симĕс çĕлен тыткăна хăвăртах илнине, сывлăха хавшатнине асрах тытмалла.

Пĕлĕшĕм курни-илтнине каласа пачĕ. Урамри пĕр арçын юлташĕпе пынă чух çапла калаçнине илтнĕ вăл: «Темле эрех пулчĕ, тÿрех пуç анраса кайрĕ, анчах кÿршĕпе кĕленчене йăлтах пушатрăмăр. Укçа тÿлесе илнĕ-çке».

Тĕлĕнмелле вĕт. Алкоголь шĕвекĕ пахалăхлă маррине пĕлсех мĕншĕн черкке хыççăн черкке ÿпĕнтереççĕ-ши/ Киленĕç сакки сарлака та, этем ĕмĕрĕ кĕске. Суррогатпа наркăмăшланса вилнĕ тĕслĕхсем çулсеренех çырăнсан та хăшĕсем хаяррине ăша яраççĕ-çке. Пурнăçран вăхăтсăр уйрăлса каякансем çемйисене хытах кулянтараççĕ. Ÿсĕр водительсене пула çул çинче инкек-синкек те сахал мар сиксе тухать.

Тĕплĕнрех - хаçатра.

Елена ТОЛСТОВА