Ершепуç ялĕнчи Калинино райповĕн суту-илÿ магазинĕ, кирпĕчрен купаласа тунăскер, 1970 çулсенче ĕçлеме пуçланă. Эпир кĕçĕн класра вĕреннĕ чухне тăхтавра пĕр-пĕринпе ăмăртса вунă е вунпилĕк пуслăх канфет илме унта пайтах чупнă.

Ку магазина хальхи вăхăтра та чылай çын кĕрсе таварланать. Ытларах Ершепуçпа Отиккăвă ялĕнче пурăнакансем. Кунта яланах мĕн кирлине туянма пулать. Кĕпе-тумтир, савăт-сапа, тĕрлĕ кĕрпе, апат-çимĕç. Таса, çутă, ăшă, тирпейлĕ ялан. Таварне сутакансем - çав тери кăмăллă хĕрарăмсем.

Надежда Аркадьевна Воронцова çирĕм пилĕк çул ытла çак магазинта тавар сутать. Уçă кăмăллă, вашават хĕрарăм. Ваттисемпе те, ача-пăчапа та, пуринпе те çемçен, илемлĕ куллипе йăл кулса калаçать. Тавара сĕнме пĕлет. «Çак пулла паян илсе килчĕç, питĕ тутлă, çуллă, илсе çисе пăхăр-ха», - тет. Ун кăмăлне ытараймастпăр - туянатпăр. Таварĕ те хăвăрт сутăнса пĕтет, планĕ те тулать.

Тĕплĕнрех - хаçатра.

Надежда ИЛЬИНА,

Пенсионерка