Мартра ăшăсем тытăнаççĕ. Теплицăра вара температура тата та пысăкрах. Çавăнпа та унта март вĕçĕнче - апрель пуçламăшĕнче сивве чăтакан çимĕçсене акма юрать.

Çĕр мартра теплицăра тÿрех ирĕлме ĕлкĕреймест. Вăл хăвăртрах ăшăнтăр тесен йăрансене хура пленкăпа 1-2 эрнелĕх витмелле: вăл хĕвел пайăркисене туртса илĕ, çĕр хăвăртрах ирĕлĕ.

Çĕр пулăхне ÿстерес тесен март варринче сидератсем акмалла - клевер, пĕр çул ÿсекен люпин, вика е люцерна. Вĕсене 2-4 эрне ÿстермелле, кайран вара симĕс массăна пусмалла - азотлă удобрени пулчĕ те.

Пахчари çĕре мочевинăпа имçамласан лайăх. Ку ĕçе çĕр çийĕн юр ирĕлсе шыв тухсан, каçхине вăл пăрлансан ирпе ирех сапмалла: пĕр апат кашăкĕ - пĕр тăваткал метр çине. Кăнтăрла пăр ирĕлĕ, удобрени шывпа пĕрле çĕр ăшне анĕ.

Тĕплĕнрех – хаçатра.