Чăваш ен Министрсен Кабинечĕн ларăвĕнче ку çула бюджета тÿрлетÿсем кĕртнине ырланă. Хăвăрах пăхăр: тупăш 10,7 млд тенкĕ ÿсет, вĕсенчен 9,3 миллиарчĕ регионăн хăйĕн тупăшĕ. Çулталăк вĕçленнĕ тĕле патшалăх хыснине 119 млрд тенке яхăн кĕмелле.

Чи кирли - бюджет тăкакĕсем 27,7 млрд тенкĕ ÿсĕç, 137,5 миллиард тенкĕпе танлашĕç. Чăваш ен Пуçлăхĕ Олег Николаев палăртнă тăрăх, республика кун пек ÿсĕме пĕлмен-ха.

Тĕп тĕллев - халăх ырлăхĕ. Хушма укçа-тенкĕн пысăк пайне - 19,8 млрда - социаллă пурнăçпа культура сферине аталантарма яраççĕ. Çавна май 88,6 млрд тенкĕ уйăрĕç. Ку тивĕçлĕ пулăшу. Укçа-тенкĕ СВО участникĕсене тата вĕсене çемйисене, бюджет сферинче ĕçлекенсене, социаллă хÿтлĕх кирлĕ граждансене пулăшма, çавăн пекех шкулсене, ача сачĕсене, поликлиникăсене, спорт тата культура объекчĕсене çĕклеме тата юсама кайĕ.

Тĕплĕнрех - хаçатра.

Елена ГРИГОРЬЕВА