Чăвашла калаçатăп
Мĕн ачаран, пĕчĕкрен
Калаçатăп чăвашла.
Эп пĕлетĕп вырăсла,
Çук, манмастăп чăвашла!
Атте-анне чĕлхинчен
Ютшăнмастăп пач-пачах.
Ÿссе çитсе халиччен
Эп пуплетĕп чăвашлах.
Чăвашлах-çке сăмахлатăп
Е ялта, е хулара.
Чăвашлах-çке калаçатăп
Ташкентра та Мускавра!
Тăван чĕлхе ачапа
Шăранать-çке кулленех.
Калаçатпăр кунсерен
Чăвашлах-çке мăшăрпа.
Хамăн тăван чĕлхепе
Канашлатăп ĕçтешпе.
Чăвашла пуплекенпе,
Чĕлхене пĕлекенпе.
Ачаран атте-анне
Парнеленĕ чĕлхене
Нихăçан та манас марччĕ,
Йăхран йăха хăварасчĕ!
Татьяна БОЛЬШАКОВА
Ноябрь 2026 |
