Ача чухнехине çын ĕмĕрĕпех манмасть тесе ахаль каламан. Тахçанах иртсе кайнă кунсем пĕрин хыççăн тепри аса килеççĕ.

...1945 çулхи çуркунне. Эпир, Çĕртме урамĕнчи тĕрлĕ çулсенчи ача-пăча ?хăшĕсем виççĕре, теприсем 4-5-ре%, хамăртан аслă Витя ятлă арçын ача хыççăн урам çумĕпех юхса выртакан Çавал хĕррине çитрĕмĕр. Шыв çыранпа тан юхать.

Витя Çавал çыранĕнчен темиçе утăм каялла чакса тăрать те пире: «Нимĕçсене шыва хăваласа кĕртесси çакăн чухлĕ çеç юлнă. Вара вăрçă чарăнать», - тесе ăнлантарать.

Хăшпĕр чухне хĕвелтухăç енчен анăçалла темиçешер самолет харăссăн вĕçсе иртсе каятчĕç. Витя пире карта-хура çумне тĕршĕнме е çĕр çумне лăпчăнма вĕрентетчĕ, самолетсем çинчен персе вĕлересрен хăранă ĕнтĕ. Çитĕннисем вăрçă пирки калаçнисене хăлхана чикнĕ пулас.

Тĕплĕнрех - хаçатра.

Галина ИЛЬИНА