Кăçалхи тăватă уйăхра Чăваш ен сĕт экспорчĕ енĕпе кăтартусене лайăхлатма пултарнă. Çакăн пирки Ял хуçалăх министерстви пĕлтерет. Республикăран сĕт тата хăйма ăсатнин калăпăшĕ ?укçа виçипе% пĕлтĕрхи январь-апрель уйăхĕсенчипе танлаштарсан 2,2 хут ÿснĕ.

Пĕтĕмĕшле вара Чăваш ен кăçал сĕте 20 ытла тонна экспорта янă. Хальхи вăхăтра чăваш сĕт продукцийĕн тĕп туянаканĕ - Казахстан.

2025 çул кăтартăвĕсем тăрăх, сĕт юр-варĕн пĕтĕмĕшле экспорчĕн калăпăшĕ 126 тоннăпа танлашнă, вĕсенчен 95,8 тонни сĕте тата хăймана тивет, ытти пайĕ - сыр тата мороженăй.

Ял хуçалăх продукцийĕн экспортне аталантарасси - республикăн экономикине çирĕплетмелли, вырăнти производительсен конкурентлăхне ÿстермелли тĕп пулăмсенчен пĕри. Ку енĕпе кăтартусене лайăхлатма «Пĕтĕм тĕнчери коопераци тата экспорт» наци проекчĕ нумай пулăшса пырать.

Ирина ПЕТРОВА