Юн пани - сăваплă ĕç.

Кашниех донор пу-лаймасть. Сывă çынсем кăна сăваплă ĕçе хутшăнаяççĕ. Паллах, донорсенне хăйсенне те юн париччен сывлăхне тĕрĕслеççĕ.

Тухтăрсем çирĕплетнĕ тăрăх, юн париччен 48 сехет маларах эрех-сăра, эмел ĕçме, ăшаланă тата çуллă, сĕт продукчĕсенчен хатĕрленĕ апата рационта усă курма юрамасть. Юн панă кун çăмăл апат çимелле. Шыв, пылак чей, морс е улма-çырла сĕткенне ĕçмелле. Çакă юн калапăшне тавăрма пулăшать.

Республикăра «Раççейĕн хисеплĕ донорĕ» ята илнĕ 4 пин те 700 çын пурăнать. Палăртмалла, кăçалхи пĕрремĕш кварталта ку йыша тата 50-ăн хушăннă.

Ытларах пайĕ Çĕнĕ Шупашкарта, Шупашкарта, Канашра пурăнать. Республикипе илсен, кашни çул 9 пин ытла çын юн парса сăваплă тивĕçе пурнăçлать. Палăртма кăмăллă, пирĕн округра донорсем сахал мар.