Кăçал Республика кунĕпе çыхăннă мероприятисем июнĕн 23-24-мĕшĕсенче Шупашкар хулинче тата Шупашкар округĕнче иртĕç.

Уявăн тĕп мероприятийĕ - Пĕтĕм чăвашсен «Акатуйĕ». Вăл Шупашкар округĕнче пулĕ. Тĕп хула вара пысăк фестивальсене - «Русь мастеровая. Ремесленный край» тата «Родники России» - йышăнĕ.

Мероприятисен площадки йăлана кĕнĕ Театр скверĕпе Хĕрлĕ площадьрен Трактор тăвакансен керменне куçĕ. «Раççей çăлкуçĕсем» фестивале кăçал Çамрăксен форумĕпе пĕрле йĕркелĕç.

Уява июнĕн 24-мĕшĕнче Хĕрлĕ площадьре пĕтĕмлетĕç. Кунта харăс виçĕ гала-концерт иртĕ: «Черчен чечексем» ача-пăча фестивалĕ, «Живая нить традиций» шоу тата «Родники России» фестивалĕн финалĕ.

Республика кунĕ Раççей артисткин Пелагеян концерчĕпе вĕçленĕ.