Пĕтĕм Раççейри «Наци сывлăхĕ - Раççей чечекленĕвĕн никĕсĕ» форумра Чăваш ен малашлăхлă интерактивлă диагностика тата профилактика методикипе паллаштарнă, вĕсем чирсене малтанхи тапхăртах тупса палăртас тата сывă пурнăç йĕркине аталантарас тĕллевлĕ.

Регионăн ăнăçлă практикишĕн, вăл шутра «Сывлăх патне утăм» тата «Канмалли кунри диспансеризаци» проектсемшĕн те, Чăваш ен «Наци сывлăхне тÿпе хывнăшăн» диплома тивĕçнĕ. Форумра унпа РАН академикĕ Лео Бокерия наградăланă.

Чăваш ен Пуçлăхĕ Олег Николаев республикăри медицина сообществине тав тунă, ку çитĕнÿ пĕрлехи ĕç пулнине палăртнă.