Асăмрах ялан

Çывхарса çитнĕ май Çемье уявĕ

Килчĕç асăма аннепе атте.

Пурăннă пĕрле утмăл тăхăр çул

Туслăн, юратса пĕр-пĕрне.

Çемьере яланах килĕшÿ вĕсен пулнă,

Пĕр-пĕрин çине сас хăпартман.

Пĕр-пĕрне ăнланса, пĕр-пĕрне упраса

Çитĕнтернĕ пилĕк ачана.

Атте - платник, анне - маçтăр çĕвĕç,

Ĕç вылянă вĕсен аллинче.

Кил тĕрекĕ - атте, чун ăшшийĕ - анне...

Асăма вĕсем каллех килчĕç.

Шел, çук халь вĕсем пирĕнпе,

Умлă-хыçлă кайрĕç çÿл тÿпене.

Эпир, ачисем, чунтан хурланатпăр,

Сирĕн çут сăнсене чĕререх-çке упратпăр.

Сирĕнпе эпир мăнаçланатпăр,

Пĕтĕм кăмăлтан тав тăватпăр.

Сирĕн пурнăç - пирĕншĕн ыр тĕслĕх,

Сирĕнтен хакли çук-çке урăх.

Эльвира ПЕТРОВА

Мăн Явăш