Çуллахи кунсем пуçланчĕç. Ачасен - тахçанах кĕтнĕ виçĕ уйăх тăсăлакан каникул. Вĕренÿрен ирĕклĕ, вăйă-савăнăç тапхăрĕ. Ялти ĕçсем, интереслĕ çулçÿревсем, çĕнĕ тус-юлташсем... - интересли тем чухлех кĕтет çамрăксене çак вăхăтра. Анчах асра тытмалла, каникул сывлăхлă та усăллă пулсан кăна вăл ачасене сывлăха çирĕплетме пулăшать, вăй-хал хушса çĕнĕ вĕренÿ çулне хатĕрленме май парать. Кану инкек-синкексĕр, сывă ирттĕр тесен вара чир-чĕрсене асăрхаттармалли профилактика мерисене манмалла мар, палăртаççĕ тухтăрсем.

Чи малтанах инфекци чирĕсене пуçаракансенчен сыхланма хÿтĕлев мерисене йышăнмалла. Сăмах харпăр хăй гигиенин правилисем пирки пырать.

Обществăлла вырăнсенче пулнă е туалета кĕрсе тухнă хыççăн, апат умĕн тата килти чĕрчунсемпе вылясан алăсене супăньпе лайăх çумалла.

Вар-хырăма пăсакан инфекцисем ан ерччĕр тесен вĕретнĕ е кĕленчери шыва кăна ĕçмелле, пахчаçимĕçпе улма-çырлана та тĕплĕ çумалла. Унсăр пуçне çуллахи сезон тĕлне ятарласа хатĕрлемен, таса мар пĕве-кÿлĕсенче шыва кĕрессинчен те асăрханăр.

Тĕплĕнрех - хаçатра.

Ирина ЯКОВЛЕВА