Шупашкарта 39-ти хĕрарăм лавккаран туяннă пахчаçимĕç çисе А гепатитпа чирленĕ.
Салат тăвиччен вăл вĕсене лайăх çуман ахăртнех. Темиçе эрнерен унăн ÿт температури хăпарнă, вăйĕ чакнă, хăстарма тытăннă, сылтăм аякĕ патĕнчен ыратма пуçланă.
Тухтăрсем тĕрĕслесен унăн А гепатит пулнине палăртнă. Ку – пыршăлăх инфекцийĕ, ытларах чухне лайăх çуман пахчаçимĕç, улма-çырла урлă лекет.
Сипленĕ хыççăн пациенткăна киле кăларнă.
Асăрхануллă пулăр! Пахчаçимĕçе, улма-çырлана çумасăр ан çийĕр!
Август 2026 |
