Çĕршывшăн çăмăл мар вăхăт. Çар çыннисен патшалăх интересĕсене çапăçу хирĕнче хÿтĕлеме тивет. Çак пархатарлă тивĕçе пирĕн ентешсем те чыслăн пурнăçлаççĕ. Анчах вăрçă çавăн пек - шел те, çухатусăр пулмасть. Чи харсăррисем, чи маттуррисем Тă-ван çĕршывшăн хăйсене шеллемесĕр кĕрешсе пуçĕсене хураççĕ...

Уйкас Кипекри Шорниковсем те - Алексейпе Олег - ятарлă çар операцийĕнче паттăрлăх кăтартнипе, хăйсен çар тивĕçне чунтан парăннипе палăрса тăнă. Пĕртăвансем иккĕшĕ те Тăван çĕршыв ырлăхĕшĕн, тăван халăх хăрушсăрлăхĕшĕн пурнăçĕсене панă.

Алексей Шорников 2024 çулхи июньте Донецк Халăх Республикинче çар задачисене пурнăçланă чух пуçне хунă. Паттăрла ĕçсемшĕн ăна вилнĕ хыççăн Хăюлăх орденĕпе наградăлама йышăннă. Маттур ентеш çамрăк ăрушăн тĕслĕх пулнине палăртса Вăрман Кипекри шкул çурчĕ çинче ун ячĕпе 2025 çулхи мартра Асăну хăми çакнă. Шкулта çавăн пекех Алексей Шорников ячĕпе Герой партти те пур.

Тĕплĕнрех - хаçатра.

Хамăр инф.