Пархатарлă ĕçре - çынсен сывлăхне сиплессипе тата упрассипе - тăрăшакан Спиридоновсем - тĕлĕнмелле çемье. Владимир Спиридонов нумай çул васкавлă пулăшу тытăмĕнче ĕçлет. Мăшăрĕ Елена Михайловна та Вăрнарти тĕп больницăн медицина сестри.

Вĕсен хĕрĕ Анжелика - терапи уйрăмĕн врач-терапевчĕ. Çакăнпа пĕрлех - васкавлă пулăшăвăн Вăрнарти подстанцийĕн тухтăрĕ те.

Спиридоновсен ывăлĕсем, Владиславпа Святослав, та çемье çулнех суйланă. Иккĕшĕ те Чăваш патшалăх университечĕн медицина факультетĕнче 4-мĕш курсра вĕренеççĕ. Кĕçех вĕсем те çуллахи каникул вăхăтĕнче Вăрнарти васкавлă пулăшура тăрăшма тытăнĕç.

Паян сире, вулакансем, Владимир Спиридоновăн Васкавлă медицина пулăшăвĕн ĕçченĕн кунĕ тĕлне çырнă сăввипе паллашма сĕнетпĕр.