Кив Шуртанта пурăнакансем ĕлĕкхи ниме йăлине пăрахăçламаççĕ. Пĕрле пухăнса вĕсем хăйсен территорийĕнче чылай ĕç пурнăçлаççĕ.

Нумаях пулмасть кунта Астăвăм садне йĕркелес енĕпе чылаййăн тăрăшнă. Темиçе кун хушшинче хастарсем тимĕр юпасене шăратса ятарлă стенд хатĕрленĕ, унта Тăван çĕршывăн Аслă вăрçин участникĕсен портречĕсене вырнаçтарнă.

Кăçал ял çыннисем кунта нумай çул ÿсекен декоративлă тĕмсемпе йывăçсене те лартас тĕллевлĕ. Вĕсем паттăрсен ячĕсене астутаракан чĕрĕ символ пуласса шанаççĕ.

Астăвăм территорине кив-шуртансем тирпейлесех тă-раççĕ. Çак кунсенче кăна халăх пĕрле пухăнса ÿссе кайнă курăксене çулнă. Çав шутра ял варринчи çырмара та.

Тĕплĕнрех - хаçатра.

Светлана ЧИКМЯКОВА