Раççейри Тĕп суйлав комиссийĕ пĕлтернĕ тăрăх, Раççей Федерацийĕн Федераци Пухăвĕн Патшалăх Думин 9-мĕш созывне депутатсем суйлассипе сасăлава темиçе кун ирттерме йышăннă.

«Социаллă ыйтăмсем çирĕплетнĕ тăрăх, çынсем кун пек формата килĕштереççĕ. Тишкерÿсен кăтартăвĕсене илес пулсан, сасăлав виçĕ кун иртни суйлавçăсемшĕн меллĕ, вĕсене хăйсен гражданла тивĕçне пурнăçлама хăтлă условисем туса парать. Суйлав комиссийĕн ĕçне те çăмăллатать. Хальхи лару-тăрăва шута илес пулсан, пур суйлав участокĕнче те хăрушсăрлăхпа тивĕçтермелли хушма çăлкуç пулса тăрать», - тенĕ Раççей Тĕп суйлав комиссийĕн председателĕ Элла Памфилова.

Республикăра Патшалăх Думин депутачĕсемшĕн сасăланипе пĕрлех Чăваш Республикин Патшалăх Канашĕн 8-мĕш созыври депутачĕсене палăртаççĕ. Сасăлав виçĕ кун пырать – 2026 çулхи сентябрĕн 18, 19 тата 20-мĕшĕсенче.