Вăрă хыççăн мĕн те пулин юлать-тĕк, вут-çулăм туххăмрах нимсĕр-мĕнсĕр хăварма пултарать. Калама та хăрушă - пурнăçсăр та. Кун пек тĕслĕхсем вара, шел те, сайра мар.

Акă, каллех тепĕр синкер. Вут-çулăмра пирĕн округри 60-ти хĕрарăм пурнăçĕ татăлнă. МЧС-н республикăри Тĕп управленийĕн информацийĕ тăрăх, инкек Упнер ялĕнче пулса иртнĕ. Унчченхи эрнере, ытларикун каçхине, пĕр хуçалăхра çурт çунма тытăннă. Çулăм пÿртĕн пайне 30 тăваткал метр енне лаптăкра çавăрса илнĕ. «Ăна пĕр сехет майлă иртсен сÿнтерме май килнĕ. Анчах пĕр пÿлĕмĕнче çăлавçăсем кил хуçи хĕрарăмĕн виллине асăрханă. Çакăн пек хăрушă инкек патне мĕнле сăлтав илсе çитернине Пушар тĕрĕслев лабораторийĕн эксперчĕсем палăртĕç», - пĕлтереççĕ пушар хуралĕн ĕçченĕсем.

Тĕплĕнрех - хаçатра.

Хамăр инф.