Чăваш Республикинче 4-мĕш хут Çырла фестивальне йĕркелеççĕ. Хăнасене августăн 1-мĕшĕнче Шупашкарта, «Пехет» агромаркетра, августăн 2-мĕшĕнче «Ивушка» питомник территорийĕнче ?Шупашкар округĕ, Хыркасси ялĕ% кĕтеççĕ.

Фестиваль программинче - семинарсем, мастер-классем, экскурсисем, çырласен ярмăркки, концерт тата ыт.те. Сад тата çырла ăстисем хăйсем ÿстернĕ çырлана кăтартĕç, ăна тата ун тĕмĕсене сутĕç. Пĕр-пĕрин паха опычĕпе, çитĕнĕвĕсемпе паллашĕç. Мероприятине сумлă хăнасене - федераци тата тĕнче шайĕнчи экспертсене чĕннĕ. Вĕсем ыйтусем çине хуравлĕç, çырла тата пахчаçимĕç отраслĕнчи çĕнĕ тенденцисем пирки каласа кăтартĕç. Фестивалĕн пĕр лапамĕнче ача-пăча медиацентрĕ ĕçлĕ. Хăнасем хушшинче парнесем выляттарĕç, ăсталăх конкурсĕсен çĕнтерÿçисене чыслĕç.