Иртнĕ кун
Кунĕпех хăратрĕ тĕксĕм пĕлĕт,
Тавралла кара-кара илсе.
Кăнтăр кунĕн курнă евĕр тĕлĕк,
Тÿпене сăнарăм шикленсе.
Кăнтăр-хĕвелтухăç йăлт картланчĕ,
Ăмăрланчĕ вăхăтлăх тÿпе.
Кăра çилĕ тулашса тапранчĕ,
Каснă евĕр пĕлĕте хĕçпе.
Йывăç-курăка та шеллемерĕ,
Хыт лăскарĕ хÿтлĕхсĕр çурта.
Вăрахчен вăл чарăнма пĕлмерĕ,
Хăть ума ларт сăхсăхса çурта.
Çумăрĕ вара кăштах шелленĕн,
Шалкăмах çумарĕ вăрахчен.
Çийĕнчех тата мана хĕрхеннĕн,
Аякка çухалчĕ çĕрлеччен. .
Лиана ГРИГОРЬЕВА
Ноябрь 2026 |
