Зинон Иванович Иванов ?1909-1992% çулсенче Шĕнер Ишекре çуралнă. Тăван çĕршывăн Аслă вăрçин участникĕ. 1941 çулхи çурла уйăхĕн 28-мĕшĕнче çар ретне тăнă. 1942 çулхи кăрлач уйăхĕччен 903-мĕш понтон батальонĕнче понтонер пулнă. 1942 çулхи кăрлач уйăхĕнчен пуçласа 1945 çулхи авăнччен 7-мĕш понтон полкĕнче, 1945 çулхи сентябрьтен тытăнса ноябрьччен 232-мĕш тивĕçтерÿ ротинче службăра тăнă.

1945 çулхи ноябрĕн 24-мĕшĕнче кăна демобилизациленĕ. Унăн наградисем: II степень Тăван çĕршывăн Аслă вăрçин орденĕ, «Çапăçура палăрнăшăн», «Сталинграда хÿтĕленĕшĕн», «Тăван çĕршывăн Аслă вăрçинче Германие çĕнтернĕшĕн», «Варшавăна ирĕке кăларнăшăн».

Мăн асатте вăрçă çулĕсене аса илме юратман. Нихăçан та наградăсемпе, çапăçусенче хастарлăх кăтартнипе мăнаçланман. Аслă Çĕнтерĕве çывхартассишĕн пурнăçпа вилĕм хушшинче çÿренĕ вăл.

Тĕплĕнрех - хаçатра.

Анастасия КИРИЛЛОВА