Сĕнтĕрвăрринче Тогаев çурчĕ умне хăтлăлатма тытăннă. Унта «Афоня» фильмри актриса, Раççей халăх артистки Евгения Симонова тата унăн мăшăрĕ Андрей Эшпай кинорежиссер килнĕ. Вĕсем 3 тĕм сирень лартнă.

Совет урамĕнчи 8-мĕш çурт икĕ композиторпа çыхăннă, унта Анатолий Тогаев ĕçлесе пурăннă, унăн пĕртăванĕн ывăлĕ Андрей Эшпай, «Сережка с Малой Бронной» паллă юрă авторĕ, çак çуртра çуллахи каникулсене ирттернĕ, унтанах фронта кайнă. Çак çуртра Музыка музейĕ уçăлĕ. Экспозицие икĕ композиторăн пурнăçĕпе пултарулăхне халаллĕç. Ăна хатĕрлес çĕре Андрей Эшпайăн ывăлĕ - Андрей Андреевич Эшпай - хутшăнать.