Республикăра патшалăх влаç органĕсен ĕçченĕсен XVII спартакиади пырать. Ун йĕркипе нумаях пулмасть волейбол енĕпе зонăри ăмăртусем иртнĕ.

Вăрнар район администрацийĕн команди хăйĕн ушкăнĕнче Канаш, Йĕпреç, Тăвай районĕсен командисемпе тĕл пулнă. Вĕсене пурне те çĕнтерсе çурма финала тухнă.

Командăра – вĕрентÿ пайĕн пуçлăхĕ Денис Трофимов, культура, национальноçсен ĕçĕсен, физкультурăпа спорт пайĕн пуçлăхĕн заместителĕ Сергей Политов, специалист-эксперчĕ Татьяна Федорова, финанс пайĕн тĕп специалист-эксперчĕ Юрий Бурмистров, Аçăмçырми, Малти Ишек, Хирпуç тата Санарпуç ял поселенийĕсен пуçлăхĕсем Олег Петров, Игорь Иванов, Юрий Прокопьев тата Виталий Белов.