«Раççей лидерĕсем» конкурса хутшăнакансен управлени ĕç-хĕлĕн пахалăхĕсене хак пама пуçланă.

Тест ертÿçĕн тухăçлă та ăнăçуллă ĕçĕ валли кирлĕ хăнăхусемпе пахалăхĕсене палăртма пулăшĕ. Конкурс заданийĕсене пурнăçланă хыççăн экспертсем кашни участника сĕнÿсем парĕç, вĕсен вăйсăр енĕсене тупма пулăшĕç.

Тест тĕрĕслевне 15046 управленеца (пĕлтĕр – 12500) кĕртнĕ. Çак шутран федерацин кашни округĕнче çурма финалистсене суйласа илĕç. Вĕсем 2019 çулхи кăрлач тата нарăс уйăхĕсенче регионсенчи çурма финалсенче тĕл пулĕç. Финал пуш уйăхĕнче иртет, унта конкурса пĕтĕмлетĕç тата çĕнтерÿçĕсене палăртĕç.

Конкурс ертÿçи Алексей Комиссаров каланă тăрăх, тест заданийĕсене кăçал тĕпрен улăштарнă, çĕнĕ пайсем кĕртнĕ.