Черетлĕ турнира çакăн пек çитĕнÿпе вĕçленĕ Вăрнар район кĕрешÿçисем.

Уçă турнира Раççей Федерацийĕн пĕтĕмĕшле вĕрентĕвĕн хисеплĕ ĕçченне Юрий Шереметьева асăнса ирттернĕ. Санарпуç шкулĕнче вĕренекен Антон Федоров хăйĕн виçе категорийĕнче ылтăн медаль çĕнсе илнĕ.

Кÿстÿмĕр шкулĕнчи Виссарион Петров тата Вăрнарти 1-мĕш вăтам шкулти Виктор Зайцев çĕнтерÿ пьедесталĕн иккĕмĕш пусми çине хăпарма тивĕçнĕ.

Бронза призерсем тăваттăн: Санарпуç шкулĕнчи Никита Никандров, Вăрнарти 1-мĕш шкулти Дмитрий Львов, Вăрнарти 2-мĕш шкулти Кирилл Андреев тата Савелий Иванов.