Мĕнпур тытăмри хуçалăхсенче çак вăхăт тĕлне 7693 пуç ĕне тытни паллă. Уйрăммăн илсен, хушка пуçсем ял хуçалăх предприятийĕсемпе хресчен хуçалăхĕсенче – 3304 пуç, кил хуçалăхĕсенче кăтарту пысăкрах – 4389 пуç.
Ял çыннисем кашни ĕнерен вăтамран 11 килограмм сĕт суса илеççĕ. Паллах, ял хуçалăх предприятийĕсемпе фермер хуçалăхĕсенчи выльăхсен продуктивлăхĕ пысăкрах: сăвăм 14,2 килогрампа танлашать. Вăрнарти аш-какай комбиначĕн хушма хуçалăхĕ ĕç кăтартăвĕпе районта чи малта пырать. Агрохолдингра хальхи вăхăтра кашни ĕнерен вăтамран 17,3 килограмм сĕт суса илеççĕ.
