Чăваш ен çамрăкĕсене «Эпĕ Президент пулсан...» конкурса хут-шăнма йыхравлаççĕ.

РФ Президенчĕ В.Путин Федераци Пухăвне янă Çырăвĕнче шкул ачисемпе студентсене хăйсен пултарулăхне кăтартма, проектсемпе конкурссене хастар хутшăнма, хăйшĕн, çемйишĕн, çĕршывшăн усăллă пулассишĕн тăрăшма чĕнсе каларĕ.

РФ Федераци Канашĕ çумĕнчи Çамрăк законодательсен палати «Эпĕ Президент пулсан...» конкурс пуçарнă. Унăн тĕллевĕ – çамрăксен экономика, право культурине ÿстересси, пултаруллисене тупса палăртса аталанма пулăшасси, вĕсене патшалăх ыйтăвĕсене татса пама хутшăнтарасси. Конкурс (унăн сайчĕ www.konkurs-president.ru) тăватă номинаципе (эссе, ÿкерчĕк, видеоролик, проект), икĕ тапхăрпа иртет. Заявкăсене пуш уйăхĕн 18-мĕшĕччен йышăнаççĕ, çĕнтерÿçĕсене ака уйăхĕнче Пĕтĕм Раççейри çамрăк законодательсен форумĕнче палăртаççĕ.