Сентябрĕн 1-мĕшĕнче Кемерово хулинче Раççей Оборона министерствин вĕ-ренÿ учрежденийĕ – президент кадет учили-щи – çар ĕçне кăмăллакан çамрăксем валли хăйĕн алăкĕсене уçĕ.

Унта воспитанниксене Суворов тата Нахимов училищисен чи лайăх йăлисемпе хатĕрлеме тытăнĕç. Тĕп предметсемсĕр пуçне училищĕре ют чĕлхесене тата IT-технологисене тарăннăн вĕрентме палăртнă. Кунтан паянхи кунхи пĕлÿ илнĕ, пур енлĕ аталаннă, патриот туйăмĕпе çирĕпленнĕ выпускниксем тухĕç.

Çĕнĕ вĕренÿ çулĕнче парттăсем хушшине 5–7 классенчи 360 кадет лармалла. 6-мĕш тата 7-мĕш классенче вĕренекенсемшĕн çакă – кадет училищине кĕмелли тата пулас профессие палăртмалли пĕртен-пĕр шанăç.

Вĕренме килекенсем тулли информацие оборона министерствин официаллă сайтĕнче тупма пултараççĕ. «Вĕри лини» телефонĕсем, 8-951-180-49-23, (83842) 77-24-97, (83842)36-38-52.

Документсене Кемерово облаçĕн çар комиссариачĕ йышăнать. Адресĕ, 650024, Кемерово хули, Базовая урам, 5-мĕш «а» çурт тата Сосновый бульвар, 3-мĕш çурт.

В.АНДРЕЕВ,

Йĕпреç тата Вăрнар районĕсен çар

комиссарĕн тивĕçĕсене вăхăтлăх пурнăçлаканĕ.