Шалкăм çумăр тăтăшах çунă хыççăн çĕрулмине мĕнле упрамалла/ Çакăн пек ыйтупа пахчаçăсем час-часах Раççей ял хуçалăх центрĕн округри уйрăмне шăнкăравлаççĕ.

Йĕпе-сапаллă çанталăкра çитĕннĕ çĕрулмине упрасси - кăткăслăх. Тăпра шывланнине пула тымарçимĕçсем нÿхрепе лекичченех фитофторозпа тата йĕпе çĕрĕкпе час-часах сиенленеççĕ.

Çухатусене чакарас тесен технологине çирĕп пăхăнмалла:

«Иккĕмĕш çăкăра» кăларнă хыççăн тÿрех упрама сакайне е нÿхрепе хывмалла мар. Нÿрĕк паранкăсем 2–3 кунранах лăймака сийĕпе ?сăрă çĕрĕкпе% витĕнĕç, çĕрме тытăнĕç.

Çĕрулмине лупас айĕнче, сарайĕнче е уçă хапхаллă гаражра пĕр-икĕ сий ?20-30 сантиметртан ытла мар% туса сармалла. Уçă хĕвел çинче тытма юрамасть - вăл пиçсе симĕсленет.

Тĕплĕнрех - хаçатра.

Вячеслав АЛЕКСЕЕВ,

Раççей ял хуçалăх центрĕн округри уйрăмĕн тĕп агрономĕ.