Кивви çĕмĕрĕлнĕ, çĕнни патне вара пылчăк çăрса каçмалла, пăшăрханаççĕ Севернăй тата Тракторнăй тăкăрлăкра пурăнакансем иртнĕ çул вĕçĕнче сарнă тротуар пирки. Чăн та, хальлĕхе ăна çыхăнтаракан хытă çул çук-ха, çавăнпа та çынсен типĕрех е путман вырăн шырама тивет.

«Пăшăрханма кирлĕ мар,- лăплантарать подрядчик. - Çанталăк лайăхлансан тротуар «тураттисене» те тума тытăнĕç. Хальлĕхе ĕçсем вĕçленмен-ха...»

Пĕлтĕр кунта, Севернăй тăкăрлăкри 6-мĕш тата 6-мĕш А çуртсем умĕнче, строительство ĕçĕсем пуçланчĕç. Округ администрацийĕнчен пĕлтернĕ тăрăх, кунта спорт площадкисем пулмалла.