Ырă хыпар: республикăри 12 çамрăк вырăс чĕлхипе ирттернĕ пĕрлехи патшалăх экзаменĕнче 100 балл илнĕ.

Яш-кĕрĕмпе хĕр-упраçа Чăваш Республикин вĕрентÿ министрĕ Дмитрий Захаров социаллă сеть урлă саламланă. Чи лайăххисен шутне кĕме пирĕн ентеш те тивĕçнĕ. Вăрнарти 2-мĕш вăтам шкултан кăçал вĕренсе тухнă Анна Тихонова аслă вырăс чĕлхине питĕ лайăх пĕлнине çирĕплетнĕ, пĕрлехи патшалăх экзаменĕнче 100 балл пухнă. Унăн наставник-педагогĕ - Ольга Давыдовна Костянецкая.

Çитĕнÿ пулас выпускниксемшĕн тĕслĕх пулса тăтăр, вĕсене çирĕп пĕлÿ илме хавхалантартăр.

Хамăр инф.