Августăн 11-мĕшĕнчен Владимир Путин ал пуснă федераллă саккун вăя кĕнĕ. Вăл çĕршыв хÿтĕлевçисене - ятарлă çар операцийĕн участникĕсене - пенсипе тивĕçтерессине улшăнусем кĕртет.

Унпа килĕшÿллĕн СВО-на хутшăнса инвалидноç илнĕ çар çыннисемпе хăйсен ирĕкĕпе кайнисен харăсах икĕ патшалăх пенсине илме право пур. Пĕри вăл - инвалидноçпе паракан çар пенсийĕ. Унăн виçи инвалидноç ушкăнĕнчен, çарти служба стажĕнчен тата ытти факторсенчен килет. Иккĕмĕшĕ - Социаллă фонд тивĕçтерекен ватлăхпа паракан страхлав пенсийĕ ?пĕтĕм требованисене тивĕçтерсен: пенси çулне çитсен, страхлав стажĕ тата харпăр хăй пенси коэффициенчĕ çителĕклĕ пулсан%.

Чылай пенси тĕсĕпе заявлени памасăрах, патшалăх реестрĕнчи даннăйсем тăрăх тивĕçтереççĕ.