Мушенниксемшĕн ним сăвапли те çук. Преступниксем ятарлă çар операцийĕн участникĕсене тата вĕсен çемйисене улталанă тĕслĕхсем те сахал мар. Салтаксем е вĕсен çывăх çыннисем тĕрлĕрен тÿлевсене тивĕçнине пĕлсе тăрса, шулĕксем çак укçа-тенке те ултавлă майпа çаратма хăтланаççĕ.

Иртнĕ уйăх вĕçĕнче кунашкал тĕслĕх, акă, Çĕмĕрле округĕнче çырăннă. Преступниксем 52-ри арçынна 13 млн та 680 пин тенкĕсĕр хăварнă. Арçынна ун ячĕпе Украинăна укçа куçарассинчен сыхласа хăваратпăр тата укçана хăрушсăр счет çине куçармалла тесе суйнă.

Çакăн пек пысăк инкеке лекесрен хÿтĕленес тесен СВО участникĕсемпе çемйисен те питĕ асăрхануллă пулмалла. Çав шутра - харпăр хăй даннăйĕсем, банк карттисемпе счечĕсем çинчен сведенисем упранакан цифра хатĕрĕсемпе усă курнă чух та.

Тĕплĕнрех хаçатра.

Светлана МАРТЫНОВА,

полицин «Вурнарский» пайĕн участокри

уполномоченнăйсен пайĕн пуçлăхĕ