Юпа уйăхĕн 21-мĕшĕнче Чăваш ен Пуçлăхĕ Олег Николаев республикăра пурăнакансемпе «тÿрĕ лини» ирттерет, вăл 12 сехетре пуçланать.

Ыйтусемпе сĕнÿсене Патшалăх тивĕçтерĕвĕсен порталĕнче çырса пĕлтерме юрать, е тата ВКонтактери «Чăваш Республики» пĕрлешÿре, Олег Николаевăн Телеграм-каналĕнче комментарисенче хыпарлама пулать. Тÿрĕ лини кунĕнче вара трансляци чатĕнче хыпар çырма май пулĕ: 8 ?8352% 565-100 телефонпа шăнкăравлама та майсем туса парĕç.

Тÿрĕ линие «Олег Николаев | Чувашия» Телеграм-каналта тата ВКонтактери «Чувашская Республика» пĕрлешÿре, «Россия 24» телеканалăн эфирĕнче, «Радио России» хумĕ çинче тÿрремĕнех курма пулĕ.