Паян эпир хамăрăн хăнăхнă пурнăçпа пурăннă вăхăтра пирĕн ентешсем - ятарлă çар операцине хутшăнакан салтаксем - çĕршыв интересĕсен хÿтĕлевĕнче. Йывăрлăхне те, нуши-тертне те пăхмасăр, алла хĕçпăшал тытса - çапăçу хирĕнче. Юратнă çыннисенсен, лăпкă тăван тăрăхран та чылай-чылай инçетре. Вĕсене пула ĕнтĕ эпир хамăра тăнăçлăхра, хÿтлĕхре туйма пултаратпăр. Çакна ăнланни, тивĕçлипе хаклани пĕлтерĕшлĕ.

Салтаксем пысăк çар наградисене тивĕçни те - вĕсен çапăçу хирĕнчи паттăрла ĕçĕсене уйрăммăн палăртни. Анчах, шел те, çапла пулса тухать, нумайăшне - тăшман вут-çулăмĕ айĕнче харсăр çапăçса пуç хунă хыççăн... Акă, ку юнкун та ентешсен çар орденĕ-медалĕсене ĕмĕрлĕх управа парассипе хумхануллă церемони иртрĕ. Вăл ЗАГС пайĕн залĕнче паттăрсен ашшĕ-амăшĕсене, çемйисене, тăванĕсене астăвăм мероприятине пухрĕ.

Тĕплĕнрех хаçатра.

Ирина ЯКОВЛЕВА