Чăваш патшалăх оперăпа балет театрĕнче Амăшĕн кунне халалласа пысăк уяв иртнĕ. Унта вăрнарсем те хастар хутшăннă.

Амăшĕн çăмăл мар тивĕçне пысăка хурса хакласа Чăваш ен Пуçлăхĕ Михаил Игнатьев чылай ăшă сăмах каланă. Вăл республикăри Хĕрарăмсен союзĕн тата Ашшĕсен канашĕн çемье хаклăхĕсене упраса хăварас тата çирĕплетес енĕпе пурнăçланакан практикисемпе проекчĕсене ырланă. Чи маттуррисене хăйĕн Тавĕпе чысланă.

Уявра ытти наградăсем те пулнă. Ярмушкари Наталия Сорокина, акă, çемье традицийĕсене упранăшăн тата обществăлла ĕçе хастар хутшăннăшăн Чăваш Республикин Патшалăх Канашĕн Тавне тивĕçнĕ.

Светлана ЧИКМЯКОВА.