Ноябрь вĕçĕнче Йошкар-Олари манеж регионсем хушшинчи футбол турнирĕн вырăнĕ пулса тăнă.

«Динамо шанăçĕ» ятпа иртнĕскере 2006 çулта çуралнă тата кĕçĕнрех ачасем хутшăннă. Пĕтĕмпе ултă команда: Йошкар-Олари «Динамо» тата «СШОР-6», Уфари «Динамо-Джуниор», Мари Эл Республикинчи «Руси» тата Вăрнарти «Химик-Август».

Кашни команда тăватшар тĕлпулăва хутшăннă. Палăртма кăмăллă, «Химик-Август» футболисчĕсем пысăк конкурентлăхпа палăрнă. Вĕсем турнирăн виççĕмĕш йĕркине йышăннă. Унсăр пуçне, командăн футболисчĕ Никита Федоров чи лайăх вăйăçă ятне тивĕçнĕ, ăна ятарлă статуэткăпа чысланă.