Пуçаруллă бюджетенĕпе проектсене пурнăçа кĕртессипе яллă тăрăхсенче тĕллевлĕ ĕçлеççĕ.

Акă, сăмахран, хальхи вăхăтра Йăлтăм ялĕнчи Хĕвеллĕ урамĕнче такăр çул тăвассипе ĕçсем пыраççĕ. Унăн тăршшĕ 652 метр пулĕ. Ĕçе пурнăçлаканĕ – А.Ефимова предприниматель.

Кăçал пуçаруллă бюджет программипе Мачамăшра та вак чултан такăр çул сарнă. Вăл 1100 метра тăсăлать. Çурхи шыв-шура тата çумăра юхма çулăн ик енĕпе канав хăварнă.

Калинино ял тăрăхĕн администрацийĕн кăтартăвĕсем тăрăх, такăр çулăн пĕтĕмĕшле хакĕ 1,8 млн тенкĕ, çав шутра ял çыннисен укçи – 125 пин тенкĕ.