Чăваш Республикин Вĕрентÿ министерстви «Наставник юнашар: çамрăк педагогсене цифра системи тĕлĕшпе пулăшасси» республика проекчĕн çĕнĕ тапхăрне старт панă. Çак вĕренÿ çулĕнче «Наставник-онлайн» ятпа пĕрремĕш консультаци иртнĕ.

Çав вăхăтрах виçĕ çул енне стаж пур учительсене адаптацилес тĕллевпе «Çамрăк педагог шкулĕ» хăйĕн ĕçне малалла тăснă. Иртнĕ çул проекта 150 ытла çамрăк специалист хутшăннă.

«Наставник юнашар» проект цифра платформи тата офлайн-форматсем урлă ĕçлет. Тĕп тĕллев - çамрăк педагогсене професси задачисене пурнăçлама вĕрентесси, кадрсене шкулта çирĕплетесси.

Проектсем çамрăк педагогсемшĕн уçă. Пĕлтерĕшлĕ мероприятисене хутшăнни ачасемпе тата ашшĕ-амăшĕпе ĕçлемелли практика хăнăхăвĕсене илме, «Педагогика дебючĕ» конкурсра харпăр хăй çинчен пĕлтерме май парать.

Çамрăк специалистсене пурне те регионти професси пĕрлĕхĕн пĕр пайĕ пулма чĕнеççĕ. Унта кашниех методика базине тата пĕр шухăшлă çынсене тупĕ.

Мероприяти «Çамрăксем тата ачасем» наци проекчĕн «Педагогсемпе вĕрентекенсем» регион проекчĕпе килĕшÿллĕн иртет.

Елена ТОЛСТОВА