Нумай чухне сывлăх пирки эпир мĕн те пулин ыратма тытăнсан кăна аса илетпĕр. Анчах та нумай чир-чĕр малтанхи тапхăрта хăйне нимле те палăртмасть. Çавăнпа та тăтăшах диспансеризаци ирттерни пĕлтерĕшлĕ. Вăл организмри улшăнусене тупса палăртма, вăхăтра сипленÿ курсне пуçлама пулăшать.

2026 çулхи сакăр уйăхра республикăра профилактика тĕрĕслевĕ тата диспансеризаци витĕр 392 пин çын тухнă. Вĕсенчен 153 пинĕшне пĕрремĕш тапхăр хыççăн хушма тĕрĕслевсем ирттерме янă. Диспансеризаци вăхăтĕнче чĕрепе юн чирне 10 пин тĕслĕх, онкологипе аптракансен 650 тĕслĕхне, 1,4 пин пациентăнне сахăр диабетне пĕрремĕш хут тупса палăртнă. Вĕсенчен кашниех хăйĕн сывлăхне тимлĕхе илнĕ ĕнтĕ.

«Вăрăм та хастар пурнăç» наци проекчĕпе диспансеризацине кашни çын вырăнти поликлиникăра тÿлевсĕрех тухма пултарать.

Тĕплĕнрех - хаçатра.Хамăр инф.