Чÿк уйăхĕ типĕ килмĕ, 13 см хулăнăш юр çума пултарĕ. Раштав уйăхĕ ытти чухнехинчен ăшăрах пулĕ, юр хулăнăшĕ 23 см таран çитĕ. Раштавра тата кăрлачра 30 градус сивĕ кунсем пуласси 20 :-па танлашать, ытти уйăхра ун пек кунсем пулмĕç.

Кăрлач юрлă килĕ, юр хулăнăшĕ 42 см çитĕ. Нарăсра вара юр нумай пулмĕ, 5 см кăна хушăнĕ. Уйăхри вăтам сывлăш температури нормăран 2-3 градус ăшăрах пулĕ.

Пуш уйăхĕнче юр хулăнăшĕ 54 см çитĕ. Ку уйăхра юр нормăран ытларах çăвĕ. Эппин, çуркунне юлашки 4 çулти пек ир килмĕ. Ака уйăхĕн пуçламăшĕнче юр хулăнăшĕ 35 см пулĕ-ха.

Çакă - «Çанталăк 21» сайт пĕлтернĕ тăрăх. Ку – прогноз кăна, хĕл чăннипе мĕнле пулассине никам та пĕлмест.